{"id":38500,"date":"2023-07-13T04:25:51","date_gmt":"2023-07-13T02:25:51","guid":{"rendered":"http:\/\/www.odile-halbert.com\/wordpress\/?p=38500"},"modified":"2024-12-11T13:42:49","modified_gmt":"2024-12-11T11:42:49","slug":"bail-a-ferme-des-chanoines-dangers-a-lun-deux-de-la-seigneurie-de-la-barre-villeveque-1610","status":"publish","type":"post","link":"https:\/\/www.odile-halbert.com\/wordpress\/?p=38500","title":{"rendered":"Bail \u00e0 ferme des chanoines d’Angers \u00e0 l’un d’eux de la seigneurie de la Barre, Villev\u00eaque 1610"},"content":{"rendered":"

Cet acte est aux Archives D\u00e9partementales du Maine-et-Loire, 5E7 :<\/em><\/strong><\/span>
\n<\/a>
\n <\/a>
\n <\/a>
\nLe 30 juing 1610, en la court royal d\u2019Angers en droit par devant nous Me Jehan Bauldry notaire h\u00e9r\u00e9ditaire d\u2019icelle personnellement establiz nobles v\u00e9n\u00e9rables et discretz Me Ren\u00e9 Fouscher doyen, Jacques Milllet archidiacre d\u2019Oultre Mayne et Jacques Moriceau pr\u00eatres chanoines en l\u2019\u00e9glise d\u2019Angers demeurant en la citt\u00e9 dudit lieu au nom et comme commis et d\u00e9put\u00e9s quant \u00e0 ce de messieurs du chappitre de ladite \u00e9glise d\u2019une part, et v\u00e9n\u00e9rable et discret Me Pierre Gaignard aussy pr\u00eatre chanoine d\u2019icelle \u00e9glise en son priv\u00e9 nom demeurant en ladite citt\u00e9 d\u2019autre part, soubzmectant scavoir lesdits sieurs commis et d\u00e9put\u00e9z audit nom eulx et tous et chacuns les biens et choses dudit chappitre et ledit Gaignard soy ses hoirs au pouvoyr etc confessent avoyr faict et font entre eulx ce que s\u2019ensuit, c\u2019est \u00e0 savoyr que lesdits sieurs commis et d\u00e9put\u00e9z audit nom ont baill\u00e9 et par ces pr\u00e9sentes baillent audit Gaignard lequel a prins et accept\u00e9 prend et accepte \u00e0 tiltre de ferme et non autrement pour le temps de 7 ann\u00e9es et 7 cueillettes enti\u00e8res et cons\u00e9cutives \u00e0 commancer du premier jour de may prochainement venant que l\u2019on dira 1611, et fini \u00e0 pareil jour lesdites 7 ann\u00e9es et cueillettes finies et r\u00e9vollues et escheues, la terre, dommaine fief et seigneurie de la Barre fruictz proffiltz revenuz et esmulumens d\u2019icelle sise en la paroisse de Villevesque et autres paroisses circonvoisines, d\u00e9ppendant de la Grand Bourse de ladite \u00e9glise, en ce comprins les cens rentes et debvoirs par \u2026 avoynes et (f\u00b02) aultres grains avec les dixmes et vinages qui en d\u00e9ppendent et autres droicts desdits choses afferm\u00e9es, pour en jouyr par ledit preneur durant ledit temps \u00e0 ses coustz mises p\u00e9rils et fortunes et en faire comme de chose baill\u00e9e \u00e0 ferme, \u00e0 la charge dudit preneur de garder \u00e0 son pouvoir les droits de ladite terre et seigneurie sans aucune en laisser perdre et sans y faire ne souffrir estre faict aucune surprinses ne entreprinses et si aucunes y estoient faictes d\u2019en advertit incontinent lesdits sieurs du chappitre pour y pourvoir comme ils verront estre \u00e0 faire, paier et aquicter par chacune desdites ann\u00e9es les charges et debvoirs ordinaires deubz \u00e0 raison de ladite terre aulx jours et temps qu\u2019ils sont deubz, et mesmes la somme d\u2019unze livres huit soulz tz de rente deue chacun an \u00e0 l\u2019usage et recepte de la bourse des anniversaires de ladite \u00e9glise au premier jour du moys d\u2019aoust, et du tout aquicter lesdits sieur du chappitre vers et contre tous ; tenir, entretenir et rendre \u00e0 la fin de ladite ferme les maisons logis et appartenances de ladite seigneurie en bonne et suffisante r\u00e9paration de couverture terrasse vitre et careau ainsi qu\u2019elles luy seront baill\u00e9es au commancement du pr\u00e9sent bail par lesdits sieurs du chappitre ou fermier moderne de ladite terre ; entretiendra aussy le pressoir dudit lieu de toutes r\u00e9parations ainsi qu\u2019il luy sera pareillement baill\u00e9 fors du fust et guiure ? en quoy il ne sera tenu sinon qu\u2019ils fussent rompuz ou gastez par son deffault et pour le regard des (f\u00b03) aultres menues r\u00e9parations qui seront n\u00e9cessaires ledit preneur les entretiendra aussi luy estant pr\u00e9allablement baill\u00e9es ; rendra \u00e0 la fin dudit temps les gerres et jardins ensepmanc\u00e9s en tel nombre et de telles esp\u00e8ces de sepmances que les lieux le pourront porter et qu\u2019ils ont de coustume ; planter par chacun sur les lieux plus commodes de ladite terre 12 arbres fructuaulx noiers poiriers pommiers et pruniers et enter de bonnes mati\u00e8res ceulx qu\u2019il conviendra enter et conserver le tout ; faire tenir \u00e0 ses despens pendant ladite ferme les assises de ladite seigneurie, paier les officiers de leurs gages et les d\u00e9ffraier durant lesdites assises, ensemble ceulx qu\u2019il plaira auxdits du chappitre commectre et d\u00e9puter pour y assister avec leur train de toute d\u00e9pense honnestement, sans que ledit preneur puisse faire assigner lesdites assises que premi\u00e8rement il n\u2019ayt eu la volont\u00e9 desdits sieurs du chappitre, et pour le regard des ventes, rachaptz, droictz despance, aubenages et autes droictz et aventues de fief dont chacun contrat exc\u00e9dera en principal la somme de 200 livres tournois, telles ventes et droictz se d\u00e9partiront entre lesdits du chappitre et preneur par moiti\u00e9 sans que ledit preneur en puisse finir ne composer ne les recepvoir, ains sera tenu apporter ou faire apporter lesdits contrats auxdits du chappitre qui en bailleront acquitz \u00e0 ceulx qu\u2019il appartiendra ; et jusques \u00e0 la somme (f\u00b04) de 200 livres au principal de chacun contrat ou droict et au dessoubz les gents et droicts en appartiendront pour le tout audit preneur, lequel en pourra bailler acquictz et en disposer comme bon luy semblera, et s\u2019il plaisait auxdits sieurs du chappitre faire de leur fief leur dommaine des choses qui pourroient estre vendues, faire le pourront, sans que audit cas ledit preneur puisse pr\u00e9tendre aucun droict de ventes ; \u00e0 la charge aussy dudit preneur de fournir et bailler auxdits sieur du chappitre dans la cinquiesme ann\u00e9e de ceste ferme ung papier neuf censif et d\u00e9claratif des cens rentes et debvoirs h\u00e9ritages et autres droictz de ladite terre et seigneurie bien et deuement confront\u00e9 des confrontations modernes et atest\u00e9 en jugement, et luy aideront lesdits du chappitre d\u2019un papier du pass\u00e9, tant pour aider \u00e0 faire le pappier qu\u2019il doibt fournir que pour luy servir en l\u2019exercice de sadite ferme, et est daict ledit pr\u00e9sent bail et prinse \u00e0 ferme pour et \u00e0 la charge en oultre tout ce que dessus dudit preneur d\u2019en paier et bailler par chacune desdites 7 ann\u00e9es auxdits sieur du chappitre es mains de leur grand boursier la somme de 450 livres tournois franche et quicte audit Angers aulx termes de Nouel et St Jehan Baptiste par moicti\u00e9 le premier paiement commanczant au terme de Nouel deladite ann\u00e9e 1611 en continuant ; (f\u00b05) ne pourra ledit preneur coupper ne faire coupper desmolir ne abatre aucuns bois marmentaulx ne fructuaulx sur ladite seigneurie et choses qui en d\u00e9ppendent par pied ne aultrement, mais pourra seullement coupper les bois taillis et autres menus bois qui ont accoustum\u00e9 estre couppez et estromses lors qu\u2019ils seront en leurs couppes ordinaires sans les avancer ne retarder ; dont et de toute lesquelles choses lesdites parties sont demeur\u00e9es d\u2019accord ce qu\u2019elles ont stippul\u00e9 et accept\u00e9 ; auquel bail et prinse \u00e0 ferme et tout ce que dict est tenir et garentir etc dommaes etc obligent lesdits establiz scavoir lesdits sieurs commis et d\u00e9putez audit nom eulx et tous et chacuns les biens et choses dudit chappitre et ledit preneur soy ses hoirs etc avec tous et chacuns ses biens \u00e0 prendre vendre etc renonczant etc foy jugement condemnation etc fait et pass\u00e9 en ladite ville d\u2019Angers maison dudit sieur doyen pr\u00e9sents Me Michel Denyon chappelain de ladite \u00e9glise et Guy Pinauceau praticien demeurant audit Angers tesmoins<\/p>\n","protected":false},"excerpt":{"rendered":"

Cet acte est aux Archives D\u00e9partementales du Maine-et-Loire, 5E7 : Le 30 juing 1610, en la court royal d\u2019Angers en droit par devant nous Me Jehan Bauldry notaire h\u00e9r\u00e9ditaire d\u2019icelle personnellement establiz nobles v\u00e9n\u00e9rables et discretz Me Ren\u00e9 Fouscher doyen, Jacques Milllet archidiacre d\u2019Oultre Mayne et Jacques Moriceau pr\u00eatres chanoines en l\u2019\u00e9glise d\u2019Angers demeurant en … <\/p>\n