{"id":38608,"date":"2023-09-15T08:24:37","date_gmt":"2023-09-15T06:24:37","guid":{"rendered":"http:\/\/www.odile-halbert.com\/wordpress\/?p=38608"},"modified":"2024-12-11T10:52:38","modified_gmt":"2024-12-11T08:52:38","slug":"bail-a-ferme-de-la-commanderie-hopital-beconnais-villemoisan-1560","status":"publish","type":"post","link":"https:\/\/www.odile-halbert.com\/wordpress\/?p=38608","title":{"rendered":"Bail \u00e0 ferme de la commanderie h\u00f4pital B\u00e9connais, Villemoisan 1560"},"content":{"rendered":"

Cet acte est aux archives de la Vienne, 3 H 1\/137. Il s’agit d’une copie d’acte et non de l’original. Ma retranscription est fid\u00e8le, m\u00eame avec les fautes d’orthographe etc… et surtout n’apprenez pas aux \u00e9l\u00e8ves du Coll\u00e8ge Camille Claudel du Louroux-B\u00e9connais que c’est la langue fran\u00e7aise actuelle.<\/span><\/em><\/span><\/strong><\/p>\n

<\/a><\/a><\/a><\/p>\n

Sachent tous pr\u00e9sents et advenir que en notre court de Villemoysant endroict pardavant nous Fran\u00e7oys Mellet notaire jur\u00e9 d\u2019icelle a est\u00e9 personnellement estably et deuement soubmis noble homme fr\u00e8re Jacques Ysore commandeur de la commanderye de Ballain procureur g\u00e9n\u00e9ral et sp\u00e9cial de r\u00e9v\u00e9rendissime monsieur le grand maistre de l\u2019Hospital de St Jehan de Jerusalem comme il nous est aparu par procuration et pouvoyr sign\u00e9 en chancellerye \u00e0 Malthe le septiesme janvier l\u2019an mil cinq cens cinquanteet neuf singn\u00e9 au bas Registrata y cancellaria et au dessoubz et en duplica d\u2019icelluy pouvoyr et procuration J. M. Rogue de Portubario via cansellarie, lequel sieur a baill\u00e9 et baille par ces pr\u00e9sentes \u00e0 tiltre de ferme et non autrement la commenderye de Besconnays en la paroisse de Villemoysand en Anjou et les membres qui en d\u00e9pendent appartenances et d\u00e9pendances d\u2019icelle tout ainsi qu\u2019ils se poursuyvent et comportent sans en rien retenir ne r\u00e9server par ledit bailleur ou ayant cause \u00e0 (f\u00b02) honneste homme Gilles Chereau marchand demeurant en ladite paroisse de Villemoysand lequel a prins et accept\u00e9 ladite ferme et ce pour le temps et espasse de troys ann\u00e9es et troys enti\u00e8res cuillettes cons\u00e9cutives l\u2019une l\u2019autre sans intervalle de temps, \u00e0 la charge dudit preneur de payer audit sieur bailleur ou ayant cause chacun an le pris et somme de six cens livres tous payables \u00e0 deux termes savoyr est \u00e0 la Toussainctz et Sainct Jehan Baptiste ensuivent par moicti\u00e9, lequel Chereau preneur a pay\u00e9 et avanc\u00e9 pr\u00e9sentement au veue de nous audit sieur bailleur la somme de troys cens livres tz en or et en monnoye de pr\u00e9sent ayant cours qui est pour le premier terme de ladite Toussainctz prochaine et le surplus de ladite ferme les payra aux termes susdits en la maison de Mongogues \u00e0 Poictiers es mains dudit sieur bailleur ou autres ayant de luy pouvoyr et aux despens dudit preneur, \u00e0 la charge audit preneur (f\u00b03) d\u2019entretenir les choses de ladite commenderye et membres d\u00e9pendant comme dit est en bonne et suffisante r\u00e9paration et comme elles luy ont est\u00e9 montr\u00e9es dont il s\u2019est tenu \u00e0 content ; fera faire le service divin et poyra les debvoyrs si aucuns sont deuz pour raison de ladite commenderye et membres d\u2019icelle ; rendra les choses bien ensemanc\u00e9es comme elles luy sont baill\u00e9es, ne desmolyra rien es boys de ladite comanderye fors ce qui a acoustm\u00e9 d\u2019estre explaict\u00e9 ; fera bien et deuement faire les vignes dudit lieu et le tout usera comme ung bon p\u00e8re de famille et de tout ce que dessus lesdites parties sont demeur\u00e9es \u00e0 ung et d\u2019accord et de tout ce que dessus est dict tenir et accomplir tant d\u2019une part que d\u2019autre et ne jamays venir encontre en aucune mani\u00e8re et les choses ainsi baill\u00e9es comme dict est garentir par ledit bailleur et ayant cause audit preneur et ayant cause et le garder de tous dommages obligent lesdites parties les ungs vers les autres respectivement et les biens (f\u00b04) dudit preneur \u00e0 prendre vendre par default de payement comme dit est renon\u00e7ant lesdites parties \u00e0 toutes les choses \u00e0 ce contraires et en tenues par les foy et serment de leurs corps sur ce de eulx donnez en notre main, dont les avons jugez \u00e0 leurs requeste, faict et pass\u00e9 en la maison seigneuriale de la commenderye dudit Besconnoys es pr\u00e9sence de Me Guillaume Regnault et Gervaise Mellay le vingt troisiesme jour de juillet l\u2019an mil cinq cens soixante, ainsi signez en la minutte originalle \u2013 G. Regnaud pour pr\u00e9sence et F.J. Ysore et F. Mellet pour notaire, aussi a est\u00e9 pr\u00e9sent noble homme Fran\u00e7oys d\u2019Availlolles commendeur dudit lieu auquel on a \u2026 donn\u00e9 \u00e0 entendre ledit bail, lequel entendant a pouvoyr dudit sieur de Ballan a consenty ledit bail avoyr lieu atendant la responce de monsieur le r\u00e9v\u00e9rendissime auquel il fera entendre le tort que on luy faict<\/p>\n

\u00a0<\/span><\/em><\/span><\/strong><\/p>\n

<\/p>\n","protected":false},"excerpt":{"rendered":"