- contrat
de mariage Jehan de Cevillé et Anne Legauffre 1564 f°2 de 4
- et
espouze avec tous ses droictz ladite Anne a pareillement / en présence
et du consentement de sadite mère aussi de sa part / promis prendre
ledit Jehan à mary et / espoux et icelluy mariage seler par se / en
face de saincte église si tôt que l'un / en sera requis par l'autre
pourveu et / moienant que Dieu et Notre mère / saincte église se y accordent
et a esté / à ce présent noble homme Me Estienne Bretonnier / Sr du
Chemyn demeurant en la paroisse Saint / Saulveur de Flée lequel deument
/ estably soubmis et obligé soubz ladite / court a asseuré audit Jehan
futur / mary de ladite Anne les biens immeubles d'icelle / Anne vallant
présentement à une foys paié / la somme de sept cens livres et / le
tout a promis le luy faire valloir / en luy ceddant par luy ses droicts
etc... / de ladite Anne et au cas que ledit / Jehan de Seville vende
les biens et droictz dont / ladite Anne est à présent détentrice, il
a / promis et demeure tenu conserver et employer / pareille somme de
sept cens livres / en l'achapt d'héritages qui sera censé et / réputé
estre propre patrymoine et / matrymoine d'icelle et ses hoirs et à deffault
/ qu'il fera de ce faire ledit Jehan Seville / ensemble ladite Gousset
sa mère à ce présente demeurent establiz / soubmis et obligés soubz
ladite court chacun / d'eulx seul etc.. et on ce jour d'huy / vendu
créé constitué et assis etc...
-