succession de Guillaume Cohon 1615 - f°2 de 17
Cohon-G_1615 (2).JPG
succession dudit deffunct Guillaume Cohon vivant leur frère germain tant de l'estoc paternel que maternel sont comprins en cesdits présents partaiges, et lesquelz lotz et partaiges ledit Me Pierre Ledin et ladite Claudinne Cohon sa femme comme aysné en ladite succession font baillent fournissent et présantent à leursdits frères et soeurs pour iceulx lotz veoyr et visitter et les hérittaiges y mentionnez et par après ce choysir par entre eulx tirer desdits loté et partaiges au sort ou à la soulde dedans le temps porté par la coustume de ce duché d'Anjou aulx charges clauses et conditions portées et contenues tant par lesdits lotz que closture d'yveux,pour le premyer desquelz lotz et partaiges metent et employent les choses cy apprès mentionnées et spéficiffiées audit premier lot
et premier
Au lieu et villaige de Pincelou en la paroisse de Bouillé Menard, ung appentiz de Mayson auquel y a une chemynée avescques ung petit comble de mayson par bas et ung grenyer sur ledit comble lequel grenyer est enfoncé dessus le tout estant au bout vers soullail levant de la mayson du Hault villaige dudit lieu de Pincelou avecques le jardrin etant au costé et bout

succession de Guillaume Cohon 1615 - f°2 de 17