les grand prieur et chapitre lequel Le
Baillif a faict responce audit Chaumond que
l'ordonnance de messieurs du présidial
de ceste ville sur requeste présentée par monsieur
le procureur du roy il se seroyt transporté
audit prieuré pour informer des volleryes pilleryes
meurtres et assassinatz qui y ont esté commis
depuys cinq ou six moys et cessation du
service divin audit prieuré au grand scandalle
du peuple ce qu'il auroyt faict et trouvé
que ledit Lemoyne dès ung an et demy y a et plus
se seroyt retiré dudit prieuré et [considération] des
autres religieux et se seroyt habitué en une
maison du bourg de St Clément dudit Craon hors
le cloistre dudit prieuré où il auroyt attiré
avecque lui frère Georges Plessys qui y
a depuis ledit temps faict sa résidance
y vivant et mangeant ordinairement contre les
règles de leur ordre avecque une niepce dudit
Lemoyne et une autre servante non sans soupçon
et sans scandalle de la conversation dudit Plessis
et de la niepce dudit Lemoyne qui en auroyt esté
blamé et reprins que depuys le serviteur