- Le
11.2.1589, lotz et partaiges des choses héritaulx demeurés de la succession
de deffuncte honorable femme Thieurine Goucet vivante dame de Cevillé
pour le regard des choses et succession qui sont partaigeables testé
à testé seullement, et ce après avoir partaigé et divisé les acquêts
faictz par ladite Goucet avecq deffunctz Jehan Cheviller son premier mary
et Mathurin Cevillé son second mary, desquelz lotz faits par Jehan Jousselin
mary de Mathurine Haireau tant en son nom que comme curateur ordonné
par justice de la personne et biens de Marye Besnefray fille de feuz
Louis Besnefray et Marguerite Hayreau et encore Jehan Hayreau curateur
de ladite Besnefray, lesquelles Mathurine et †Margueritte Hayreau et
encores Jehan Hayreau curateur de ladite Besnefray quand à choisir et
après partaige seullement, lesdictes Mathurine et feue Margueritte filles
de deffuncte Ollive Cheviller fille aysnée de ladite deffuncte Goucet,
font et baillent à choysir à honorables personnes Me Mathurin Cevillé
Sr de la Sorinière, Jehan et François Cevillé, et Pierre Cohon mari
de Guyonne Cevillé, pour les choysir par degré suyvant la coustume d'Anjou,
lesdits lotz faictz ainsi que s'ensuict :
-
- 1er
lot : la maison de Coruttière près du Chalonge avec jardin derrière
et devant - le jardin et verger du haut sous le clos de vigne des Baudelleries
4 cordes - 2 boisselées de bois taillis au dessus dudit clos des Baudelleries
- une pièce de terre nommé Piton abutant le grand chemin de Châtelais
à Mongeron 2 cordes - une pièce abutant le dit grand chemin 22 cordes
- la grande pièce du Piton 1 journeau 16 cordes - une pièce de terre
nommée la Cussonnerie 3 boisselées - autre aussi nommée la Cussonerie
joignant le chemin de Châtelais à Craon 3 boisselées - petit cloteau
dessus la grande pièce de vigne 20 cordes - au clos des Basses Roullières
près le Chalonge 18 cordes - au clos des Baudelleries une planche de
vigne - une autre planche au milieu dudit clos - 3 autres petits lopins
abutant le chemin du Chalonge à la Chapelière 3 cordes - jardin à porée
derrière la maison †Marin Hautery près le jardin dudit Mathurin Cevillé
6 cordes - au clos de Cevillé une planche de vigne nommée la Rigolleterie
3 cordes joignant la vigne de Guillaume Eveillard
-
-
-
-
-