Le 12 mars 1519 (avant Pâques, donc le 12 mars 1520) en notre cour à Angers (Huot notaire Angers) personnellement establyz Eustache Pelerin vigneron et Christoflette sa femme de luy suffisamment auctorisée par davant nous quant ad ce paroissiens de Sainct Samxon lez Angers ainsi qu’ils disent soubzmectans etc confessent avoir aujourd’huy vendu et octroié et encores vendent et octroient pertétuellement
à Jacques Hayn marchand barbier à angers et à Guyonne sa femme absente demourans à Angers qui ont achacté pour eulx leurs hoirs etc
ung lopin de vigne contenant ung quarteron et plus, assis au cloux de la Tournerye en ladite paroisse de St Samxon joignant des 2 coustés et aboutant d’un bout aux vignes de maister Macé Boeste et d’autre bout aux vignes dudit achacteur
ou fye de St Cierge et sainct Bach lez Angers et tenu de là à 5 deniers tournois de cens rente ou debvoir paiables aux jours accoustumés et ce pour tous debvoirs et charges quelconques fors la dixme
transportans etc et est faite ceste présente vendition pour le prix et somme de 4 livres tournois paiés baillés et nombrés content en notre présence et à veue de nous par ledit achacteur auxdits vendeurs qui les ont euz et receuz en monnaie blanche dont lesdits vendeurs s’en sont tenuz par davant nous à bien paié et content et en ont quicté et quictent ledit achacteur
à laquelle vendition et tout ce que dessus est dit tenir et accomplir etc et à garantir etc et aux dommages etc obligent lesdits vendeurs eulx leurs hoirs etc renonçant etc et par especial ladite Christoflette au droit vellyen etc elle sur ce de nous suffisamment acertene etc foy jugement et condemnation etc
présents ad ce Jehan Varice libraire lesné et Jehan Giffart boulanger demourans à Angers tesmoings
fait à Angers en la rue st Jehan Baptiste les jour et an susdits
Odile Halbert – Reproduction interdite sur autre endroit d’Internet Merci d’en discuter sur ce blog.