Le (toute la ligne du haut est détruite par les temps, et je mets l’année qui figure sur la liasse de classement des Archives 1518 – ceci dit l’acte est très abimé et je tente ce que je peux) … personnellement estably … maistre Nicolle Guyot licencié en loix sieur de la Feuvrière ? demourant à Angers d’une part
et honneste personne Mathurin Begnier demourant demourant à Rochefort d’autre part
soubzmectant etc confessent avoir aujourd’huy fait les marchés pactions et conventions et baillée à louaige en la manière qui s’ensuit c’est à savoir que ledit sieur de la Fourière a baillé et baille à tiltre de Louaige et non autrement audit Begnier qui a prins et accepté dudit bailleur audit tiltre de louaige et non autrement du jour et feste de Saint Jehan Baptiste prochainement venant jusques à cinq and après ensuivans et suivant l’un l’autre sans intervalle les choses qui s’ensuivent
scavoir est deux chambres de maison estans en une maison que ledit bailleur a audit lieu de Rochefort qui sont les deux chambres de davant ladite maison dont l’une est basse et l’aultre haulte avecques l’usaige du pressouer estant en icelle maison à mettre son vin et tonneaulx et autres choses auquel pressouer ledit preneur pourra pressourer la vendange de ses vignes qu’il a audit lieu de Rochefort en poiant les rentes et faisant les despens de celuy qui gouvernera ledit pressouer
Item plus le jardrin d’icelle maison, réservé audit bailleur son allée et venue par toute ladite maison (2 mots illisibles) jardrin et à prendre et cueillir en iceluy jardrin tout ce que bon luy semblera
et de mettre pareillement par ledit bailleur audit pressouer ses tonneaulx et autres choses et de y pressourer au faire pressourer ainsi que bon luy semblera
et en tant que touche la chambre de derrière, le cellier, estable, et faul, d’icelle maison ils demeurent audit bailleur pour en disposer à son plaisir et volonté
et est fait ce présent marché et baillée de louaite par ledit bailleur audit preneur pour en rendre et paier par chacun an par ledit preneur ses hoirs etc audit bailleur à ses hoirs etc la somme de de 70 sols tz paiables aux termes et festes de Noel et Saint Jehan Baptiste par moitié le premier paiement commençant au terme de Noel prochainement venant
et oultre serea tenu ledit preneur faire faire deux journées de couvroux à ses despens et fournir de toutes choses pour réparer la couverture d’icelle maison au-dedans de la din de sondit louaige après ce que ledit bailleur l’aura fait réparer
et sera tenu ledit preneur soy prendre garde de la faczon des vignes dudit bailleur si elles seront bien faites ou non et s’il y trouve aulcun deffault en avertir ledit bailleur
auxquelles choses dessus dites tenir et accomplir etc et à garantir etc et aux dommages obligent lesdites parties l’une vers l’autre et les biens et choses dudit preneur à prendre vendre etc renonçant etc foy jugement et condemnation etc
présents ad ce Guillaume Garnier père menuisier demourant à Angers et Pierre Gresillon de Pellouaille tesmoings
ce fait à Angers en la maison dudit bailleur les jour et an susdits
Odile Halbert – Reproduction interdite sur autre endroit d’Internet Merci d’en discuter sur ce blog.