Nous partons en 1543 à Saint-Jean-sur-Mayenne pour la succession de François de la Jaille seigneur des Deffais.
L’acte qui suit ests extrait des Archives Départementales du Maine-et-Loire, série 5E1 – Voici la retranscription de l’acte : Le 4 août 1543 comme ainsi soit que ce jourd’huy et par avant cest faict damoyselle Françoise de La Jaille veufve de feu noble homme Jacques Du Pineau ayt renoncé à tout et trel droict nom raison part et portion qui luy pouvoit compéte et appartenir en la succession de deffunct noble homme Françoys de La jaille en son vivant Sr du Vivier pour le regard du premier tiersaige et sans préjudice de sa part des deux parts après le décès de noble et discret Me Abel de La Jaille chanoine d’Angers tout ainsi que s’il n’eust renoncé à son droict de aynesse et que est contenu par ladite renonciation ce jourd’huy faicte par icelle damoyselle pour et au proffit de noble homme Honorat de La Jaille seigneur de la Maille Brezé absent pour noble homme René de La Jaille seigneur de Villeve fils aîné et principal présomptif héritier dudit Honorat stiuplant et faisant fort pour iceluy Honorat laquelle renonciation avait esté faicte moyenne la somme de 3 000 livres tournois dont icelle Françoise ayt receu contant la somme de 1 000 livres et le reste montant 2 000 livres tournois avecques 100 livres tournois pour certaine composition de fruictz ledit Sr de Villeve ait promys payer à ladite Françoyse dedans le premier jour de janvier prochain venant avecques certaines actions et conditions à plein déclarées au contrat sur ce faict et passé en la court du roy notre sire à Angers signé J. Lefrère et pour ce que au paiement ledit contrat et en iceluy celébrant et depuys auroit esté convenu et accordé entre lesdites parties certains articles et pactions cy après déclarez lesquels n’ont esté mys ne mentionnez audit accord desquelles icelles parties ont voulu avoir seureté l’une de l’autre
• pour ce est-il que en ladite court royale d’Angers endroit personnellement establys ladite Françoyse de La Jaille d’une part et ledit René de La Jaille au nom et comme soy faisant fort en ceste partie à la peine de tous dommaiges et intérestz dudit Honorat et stipulant pour luy et acceptant pour luy d’autre soubzmettant d’une part et d’autre esdits noms eulx leurs hoirs etc ou pouvoir etc confessent etc les choses susdites estre vrayes et avoir convenu et accordé entre eulx comme s’ensuyt combien que n’en soit fait mention par ledit contrat de renonciation de cedit jour
• c’est à savoir que ladite Françoise a voulu et consenty veult et consent que au moyen de ladite renonciation cedit jour par elle faicte et contenu d’icelle le lieu domaine et seigneurie du Deffays en la paroisse de Sainct Jehan sur Maienne près Laval dépendant de la succession dudit deffunt François de La Jaille soit et demeure du tout et entièrement audit Honorat ses hoirs et ayant cause sauf et réservé la somme de 40 livres tournois de rente à prendre sur ledit lieu du Deffays laquelle rente se partira après le décès dudit noble et discret Me Abel de La Jaille chanoine d’Angers entre lesdits Honorat et Françoise avecques la terre et seigneurie du Vivier et que tient de ladite succession damoyselle Marie Le Roux veufve dudit feu Françoys de La Jaille et autres choses qui sont à partaiger entre eulx
• aussi a esté accordé entre lesdits establyz esdits noms que si ledit Honorat fist deffault de payer à ladite Françoyse lesdits 2 000 livres restant de ladite somme de 3 000 livres tz avecques ladite somme de 100 livres dedans ledit premier jour de janvier prochain venant que ladite Françoise si bon luy semble pourra rendre audit Honorat ladite somme de 1 000 livres tournois par elle receue auqual cas ladite renonciation dès à présent comme dès lors demeurera nulle et en iceluy cas y ont renoncé et renoncent iceulx establys esdits noms
• laquelle somme de 1 000 livres tournois rendue par ladite Françoyse icelle Françoyse aura et prendra la moictié de ladite terre du Deffays pour sondit droit de premier tiersaige reservé que ladite somme de 40 livres tournois de rente à prendre sur ledit lieu se partagera entre eulx comme dessus
• et a esté accordé entre lesdits establys esdits noms que si ledit Honorat fait aucunes réparations des choses de ladite succession que ladite Françoyse ses hoirs et ayant cause seront tenuy en rembourser iceluy Honorat pour telle portion qu’ils succéderont à icelles choses réparés
• et a promis et promis ledit sieur de Villene faire ratiffier le contenu en ces présentes audit Honorat et en bailler lettres de ratiffication vallables et autenticques à ladite Françoyse des ledit premier jour de janvier prochain venant à la peine de tous dommaiges et intérestz en cas de deffault ces présentes nonobstant demourant en leur force et vertu
• dont et desquelle choses lesdits establys esdits noms sont venuz à ung et d’accord tellement que à icelle tenir obligent etc renonczant etc et par espécial ladite Françoyse au droit vélléin etc foy jugement condemnation etc
• fait et donné en la cité dudit lieu d’Angers présents ledit Me Abel de La Jaille maistre Jehan Repussard chanoines
le Grand et le Petit Deffais, commune de Saint-Jean-sur-Mayenne, – Fief vassal de Fouilloux. Seigneurs, Jean Rabinard, mari de Catherine de Champagne, 1400, – Jean de La Jaille, mari de Jeanne Rabinard, 1418, 1456, – Jean de La Jaille, 1487, 1504, – François de La Jaille, mineur de sept ans, fils d’Arthur et La Jaille et d’Yvonne de La Roë, neveu d’Honorat et d’Abel de La Jaille, sous la tutelle de Jean de La Roë, 1511, vivait 1535, – Georges Chevalerie par acquisition de René de La Jaille, 1552 etc… (selon le Dict. de la Mayenne, Abbé Angot, 1900)
Odile Halbert – Reproduction interdite sur autre endroit d’Internet Merci d’en discuter sur ce blog et non aller en discuter dans mon dos sur un forum ou autre blog. Tout commentaire ou copie partielle de cet article sur autre blog ou forum ou site va à l’encontre du projet européen
Contrats de mariage de Tristan de La Jaille avec Eléonore de Maillé;- de Bertrand de la Jaille avec Guillemette Odard.; – » s’ensuit les faits et articles sur lesquelsz noble homme Jehan de La Jaille et damoiselle Roberdo Rabinarde,sa femme, entendent estre faicte enquèste…par devant le juge ordinaire d’Anjou…entre lesditz espouz, d’une part,et Raoullette Dinay, veufve de feu Jehan Rabinard, d’autre part »_ lettres royaux portant ordre, à la requête de Jean de La Jaille, de faire » information diligemment et secrectement…sur la manière comme le testament de Jehan Rabinart a esté passé et des voiez qui y ont esté tenues,leurs circonstances et deppendances »
(Série E.- Titres de famille- 1372- 1496) E 2902.
Vente par Honorat de La Jaille, à Claude de Bucy de la terre de Vaillé- Brezé;
Série E – Titres de famille.( 1501-XVIII) E 2903.